April 4th, 2016

Киприан, митрополит всея Руси. Часть 2. Перед Куликовской битвой.

Период, непосредственно предшествующий Куликовской битве, подробно описывает Патриаршая летопись (ПСРЛ, том XI). Привожу здесь это описание, поскольку оно свидетельствует, что о предстоящем нашествии Мамая великий князь Дмитрий Донской неоднократно советовался с митрополитом Киприаном, хорошо понимавшим сложившуюся ситуацию, и благословение на сражение великий князь получал как от преподобного Сергия Радонежского, так и от святителя Киприана.
"В лето 6888 (1380 год) - Бысть Благовещение в Велик день... - Тогда прииде весть на Москву к великому князю Дмитрею Ивановичу, яко князь Мамай Волжския орды не у к тому князь зовется, но великий сильный царь, и стоит на Воронеже, кочуя во мнозе силе, и хощет на тебе идти ратью. Слышав же сия, князь великий Дмитрей Иванович оскорбися и опечалися зело, и иде в соборную церковь и припаде со слезами ко образу пречистыя Богородицы, Луки Евангелиста письма, и ко гробу великаго чюдотворца Петра митрополита всея Руси, и благословися у отца своего Киприана митрополита всея Руси и сказа ему Мамаево нахождение. (....) и глагола митрополит к сыну своему: "испытай известно, аще тако есть, и собирай воинства, да не безвестно тя изыщут". Он же нача собирати воинства много и силу велию, соединяяся с великою любовью и со многим смирением со князи Русскими и яже под ним беху князи местныя." (....)
"И се паки приидоша иныя вести, глаголюще, яко Мамай неложно грядет с великою яростию во мнозе силе. (....)
И по молитве изыде из ложницы своей, и поим брата своего князя Володимера Андреевича, и иде к отцу своему Киприану митрополиту всея Руси, и рече ему: "неложно, отче, грядет на нас нечестивый Мамай с яростию во мнозе силе". Митрополит же нача утешати его и укрепляти, глагоя сице: "не смущайся убо о сем, господине и сыне мой возлюбленный; многи убо скорби праведным, и от всех их избавит я Господь; и показуя наказа мя Господь, смерти же не предаст мя; Бог нам прибежище и сила, помощник в скорбех, обретших ны зело; повеж ми, сыне, истину: чим еси к нему не изправился?" Князь великий же рече: "испытахся, отче, до велика и неповинен есмь пред ним ни в чем".
"И се им глаголющим, и абие внезапу приидоше Татарове, послы от Мамая, к великому князю Дмитрею Ивановичу на Москву, просяще выхода, как было при царе Азбаке и при сыне Азбакове Чинибеке, а не по своему докончанию, как ряд был с ним. Князь великий даяше ему по своему докончанию, как с ним ряд был; он же просяше как было при древних царях; князь великий же так не даяше. Послы же Мамая гордо глаголаху и Мамая поведающа близе стояща в поле за Доном со многою силою."
"Князь великий же вся сия поведа отцу своему Киприану митрополиту всея Руси; он же рече: "Видиши ли, господине сыну мои возлюбленный о Господе, Божиим попущением за наша согрешения идет пленити землю нашу; но вам подобает, православным князем, тех нечестивых дарами утоляти четверицею сугубо, да в тихость и в кротость и в смирение приидет; аще ли и тако не укротится и не смирится, ино Господь Бог его смирит; писано бо есть: Господь гордым противится, смиренным же даст благодать. Такоже случися  великому Василию в Кесарии, егда злый отступник Улиан царь идый на Персы и хоте разорити град его Кесарию и вся люди его мечю предати; великий же Василий помолися  Господу Богу со всеми сущими его христианы и собра много злата, хоте дати царю Улиану, ежебы утолити и утишати ярость его; виде же Господь несмирительное сердце Улианово и посла на него воина своего святаго Меркуриа, повеле его зле смерти предати; и тако убиен бысть окаянный Улиан царь Божиею силою. Тако бо Господь повеле христианом творити со смиреною мудростию, якоже глаголет в Евангелии: "будите мудре, яко змии, и цели, яко голуби". Змиева убо мудрость сицева есть: егда некое ей бедное прилучится, егда будет от некоего бьема и уязвляема, тогда все тело свое дает на язвы и биение, главу же  свою всею силою соблюдает; такоже и всяк христианин о Христе, егда тесно и нужно время прилучится ему, гоним, уязвляем, бьем, мучим, вся своя предает, злато и сребро и стяжание, честь, славу, в велице же нуже и тело свое попущает ранимо быти; главу же свою, еже есть Христос и яже в него вера христианская, соблюдает всяким опасением любве Его ради и веры. Тако убо повеле Господь мудре устрояти и исправляти: аще бо стяжания, и имения, и злата, и сребра ищут гонящеи, дадите им, елико имате; аще ли чести и славы хотят, дадите им; аще ли веру вашу отъяти хотят, стойте крепко за сие и сохраняйте всяким опасением. И ты убо, господине, елико можеши собрати злата и сребра, посли к нему и исправися к нему и укроти ярость его." (преподобный Сергий тоже дал совет сначала "почти дары и честию нечестиваго Мамая" - см. ниже).
"Князь же великий Дмитрей Иванович, послушав отца своего Киприана митрополита всея Руси и по совету его посла избраннаго на сицева дела, именем Захарию Тутчева, дав ему два толмача, умеющих Татарский язык. и злата и сребра много отпусти с ним ко царю Мамаю. Доиде же посол до земли Рязанскиа и слышев, яко Олег князь Рязанский и Ягайло князь Литовский приложишася ко царю Мамаю, и посла тайно скоровестника к великому князю на Москву." (....)
Collapse )